相信大家對美國嘅快餐文化都有相當認識，為求用餐快捷方便又好味道，幾乎開遍香港每一角落嘅美式快餐，係個不錯選擇！不過，美式餐廳又唔一定係煮得快，食得快，只要大家幫襯過美國一個知名連鎖餐廳品牌其中一間分店，就知道何謂食到唔捨得走喇！
成立於1983年嘅Hooters品牌，第一間店開設於佛羅里達州，特別之處唔係在於佢哋嘅食物，而係佢哋嘅女侍應。事關每位女侍應都經過嚴格挑選，樣貌同身材都有番咁上下水準，咁先可以返工。而佢哋招呼客人嘅時候，仲會換上熱褲小背心作為制服，盡情展現青春無敵嘅豐富胴體。除咗落單同送餐之外，性感女侍應仲會於餐廳內跳舞，甚至玩呼拉圈娛賓。有班美女侍應滿場飛，雙眼可以飽覽春光，你話係咪食到唔捨得走先！
撰文：小德