較早前內地有消息透露，有唔少龍友鍾意玩裸體攝影，亦有拍極具SM味道嘅綑綁藝術寫真，惹來社會一片嘩然！不過，據唔少關注情況嘅網友表示，其實內地並冇相關條例規管此類拍攝活動，因此令裸體攝影儼如冇王管，亦令愈來愈多龍友參與其事。
如果大家想了解有關裸體攝影於內地火熱到邊個程度，就可以睇吓內地網友天馬話題嘅Blog喇！因為師兄佢最近收集咗唔少裸體攝影寫真，以及拍攝時嘅實況，仲有關於龍友如何透過網上討論區召集志同道合之士，一齊夾錢租場地及裸體模特兒嘅過程，詳細到連價錢同地點都有埋。真係唔知師兄佢想氹人參加，定係一心揭露社會嘅陰暗面喇！
網址：http://yfdtk2001.blog.sohu.com/159988709.html
撰文：祖