最近有報道指，美國蘋果網上商店出現鹹Game免費供人下載，惹嚟家長投訴當局掃黃不力云云。其實想掃盡鹹濕產品一啲都唔易，皆因艷星唔係波大冇腦，反而諗頭多多，唔單止登陸電玩界，大賣前凸後趷嘅火辣身材，仲做埋設計師出情趣玩具，甚至學人轉攻文化界執筆做作者，問你點掃得晒？
情趣玩具多籮籮，從震蛋到人形吹氣公仔，真係多到數唔晒！就以人形吹氣公仔為例，為咗吸引多啲人玩情趣玩具，唔少廠商都絞盡腦汁設計新作，希望炮製出像真度高，身材又夠惹火嘅吹氣公仔。不過任憑廠商點樣設計，始終都及唔上邊睇四仔，邊攬住個同四仔中艷星一模一樣嘅吹氣公仔嚟玩咁過癮。巨乳艷星Bree Olson就深明四仔迷呢個諗法，於是佢就聯同情趣玩具廠商，推出以佢個名嚟命名嘅1:1吹氣公仔，等四仔迷可以邊睇佢嘅作品，邊騎住佢個公仔嚟洩慾。Bree笑道：「呢個公仔同我真人一模一樣，就連重要部位都係跟住我設計而成，真係零舍好Feel！」
呢個跟足Bree樣貌同身材設計而成嘅吹氣公仔，唔單止個樣做得相當神似，據稱重要部位嘅感覺亦係一模一樣。另外，隨公仔更會附送牛女套裝一套，等玩家可以幫吹氣公仔打扮成牛女模樣。攬住個着咗衫嘅吹氣公仔嚟玩，係咪好Feel啲嘅呢？
出生日期：1986年10月7日
身高：5呎3吋
三圍：32、25、35
新一代年輕人中，唔少係標準機迷。市場大自然多人競爭，電玩遊戲生產商為咗吸引機迷注意，千方百計想喺遊戲中加入新嘅元素，希望能夠提高銷量。著名嘅暴力黑幫遊戲《Grand Theft Auto : Vice City》，就特登搵嚟有四仔天后Jenna Jameson助陣，唔單止將佢加入遊戲中，成為其中一個角色Candy Suxxx，更搵埋佢做聲優演出。本身既係四仔艷星，又係四仔製作公司老闆嘅Jenna，自1993出道以嚟，已經係四仔界嘅天后級人馬，家陣做埋遊戲中嘅人物，人氣更係到達頂峰！據講Jenna對可以成為遊戲角色中嘅一員，感到相當興奮，希望以後能夠參與更多嘅電玩製作，讓機迷能夠多啲認識佢咁話。
《Grand Theft Auto》系列遊戲，係由美國電玩公司Rockstar，從2002年起首度推出PS2版，其後更推出Xbox、PSP、電腦等版本，而每次有新作推出，都例必成為話題之作，故此自從Jenna參與製作後，唔少艷星都希望能夠有機會成為當中嘅角色，從此揚名立萬。
出生日期：1974年4月9日
身高：5呎7吋
三圍：36、25、33
四仔女星向來被人視為波大冇腦一族，否則又點會賣身露肉呢？不過人氣四仔女星Holly Randall就推翻咗呢個定律，人氣度極高嘅佢，唔單止剝衫肉搏咁簡單，最近竟轉向文化界發展，實行執筆寫自傳，轉型做個文化人！不過喺Holly打算推出自傳前，就有人批評艷星出書係對文化界嘅一種侮辱，但Holly卻忍受負面批評，一於埋首寫作。查實Holly嘅文化水平相當高，早喺佢十三歲嘅時候，就攞過兒童文學寫作比賽嘅優異獎，加上佢自細就鍾意喺書局打書釘，文化程度絕非一般四仔女星所能及，家陣執筆做作家，對佢嚟講一啲都唔難！據講Holly打算再推出一系列以佢嘅性經驗為題材嘅情慾小說，唔知當中會唔會爆吓四仔界嘅內幕呢？
人氣四仔女星Holly進軍文化界嘅頭炮，除咗有文字介紹佢入行嘅經歷，同點解要成為四仔女星外，書中仲伴有大量Holly個人火辣慾照，張張都噴血度爆燈！就算你對Holly嘅成長路冇乜興趣，單係睇相都已經值回票價。
出生日期：1978年10月5日
身高：5呎7吋
三圍：36、25、35
撰文：阿豪