早前有內地骨場經理問起，關於送禮一事，我大軍以為對方要搞周年聚餐或同行間送禮示好，殊不知對方送禮人物竟然係港客。奇怪？年中咁多港客嚟幫襯，送得啲乜呢？經理話：「唔係送散客，係旅行團搞手，佢哋每個月總嚟兩鑊，一行30人左右，人哋咁畀面，點都要做啲嘢嘅！」
大軍以為係網上嘅旅行團，但對方表示嗰啲網上搞手不知所謂，真正搞團嘅實情係部分退休導遊，對當地非常熟悉，去嫖只係其中一個項目，主要都係嚟內地短線旅遊喎！「乜你唔知本地有不少中坑團，經常包大巴去東莞常平一帶咩？有啲去石岐食乳鴿、去順德食河鮮，去常平咪嚟玩囉！不過未必全團人都嫖嘅，但一團有十幾個都夠數啦，況且班叔父揀女着重好肉地，同後生一輩各走極端，啱晒我哋個場啲女呀！」世界之大無奇不有，對於本地有咁嘅色情團竟然一啲都唔察覺，果然係高手！撰文：大軍