內地打風唔知打到幾時，好多夜場為咗避風頭，都選擇喺呢段敏感時期暫時休業，並讓旗下小姐離開暫避。不過對使慣用慣嘅小姐嚟講，休息就等於冇收入，點可能維持生活呢？有啲高質嘅小姐就情願減價做伴遊，既可搵銀又可去旅行之餘，玩家仲有機會食到平靚正嘅筍嘢添！
撰文：阿豪
嚴打期間唔少性地都風聲鶴唳，皆因今期個風打得特別勁，唔單止小姐有事，就連玩家都隨時會撞板，尤其係夜場更隨時有封舖嘅危機。有見及此，部分夜場就決定休業一段日子，而喺店內工作嘅小姐則被勒令放假去旅行，從而避過呢場風暴。不過啲囡囡手停口停，仲要花錢去旅行，又唔返得屋企咁尷尬，於是有啲囡囡就Cold Call熟客，問佢哋有冇興趣一齊去外地旅行，索性兼職做平價伴遊。呢啲小姐當中，不乏高質嘅模特兒級數，奈何佢哋卻屬於大使一族，所以今次就算收平啲都冇所謂。
有經常北上嘅色途老馬指出，近期佢哋就收到唔少曾經交過手嘅囡囡電話，電話內容不外乎問佢近排有冇假期，同埋有冇興趣包佢去旅行。佢早前就約咗個高級夜總會小姐，齊齊去海南島嚟個三日兩夜嘅浪漫之旅。問佢點解會同囡囡一齊去玩，佢表示除咗因為有假外，亦因近期內地嚴打風吹得勁，搞到佢唔敢北上尋歡，驚隨時中招，而最重要就係囡囡開嘅價相當吸引。以前喺夜總會包囡囡玩過夜，都要成兩千人仔，家陣同佢去玩三晚，成個全包旅程嘅肉金都只不過係三千而已，故此相當吸引！
雖然囡囡收嘅錢係平咗，但總比佢哋坐喺屋企食白果好，而有夜總會小姐話有啲勤力嘅姊妹每個月伴遊嘅收入，分分鐘仲好過喺夜總會打工！有囡囡解釋，因為姊妹熟客多，平時又識得同玩家打好關係，所以喺呢段時間內，不愁冇人包佢去旅遊，有次更試過啱啱從北京飛返嚟，就馬上同熟客去廈門，之後又同另一個熟客去海南島，名副其實嘅密密做。囡囡不諱言依家之所以咁多客，皆因內地嚴打，搞到好多玩家唔敢去玩，加上年底多假期，故此可以同囡囡孖住去旅遊。
喺呢啲高質嘅兼職伴遊出現之前，內地早就有專門做伴遊嘅囡囡，而呢啲囡囡主要喺網上搵食。雖然可以同囡囡嚟個幾日幾夜嘅「無底褲」之旅，但玩家就要留意，相中人同真人嘅相似度未必一致，最好打個七折或更低。當然，玩家仲要預先講好價錢，並要明白旅程中囡囡所有使費都要全包，咁先至好安心上路。