脫星原意係剝衫兼要上床拍四仔，但歐美出現不少只限於鹹書寫真嘅「脫星」，剝衫多年都未肯上床益街坊，搞到班癡心影迷非常吊癮！索妹Jenny McClain就係其中一位，難為班影迷被佢呃足多年仲一味死跟！
撰文：祖
港人乜都講快，相反外國人就鍾意歎慢板，好似喺脫星界咁，Jenny McClain三年前已開始剝衫生涯，奈何只限於成人寫真，可幸阿妹都唔算吝嗇，多年嚟都活躍於成人網站及鹹書，叫做止到班Fans癮，而早前當事人接受訪問時亦表明，喺不久將會下海拍四仔，滿足影迷心願！
等呀等，就快又一年，而Jenny McClain嘅四仔只聞樓梯響，遲遲未見佢簽約開拍，難怪影迷都等到火滾，喺網上怒插佢只係講大話，話拍四仔只係想氹吓大家喎！而Jenny McClain則解釋：「我承認會開拍四仔，但現階段未係最適合時機，所以遲遲未決定簽約作實！我希望第一部處女作可以盡善盡美，奈何現時四仔界只着重超重口味色情元素，呢一點同我唯美路線有出入，希望大家耐心等候！」
Jenny McClain嘅解釋暫時可為影迷降溫，但同時間，有網民就將一段偷拍性愛短片上載互聯網，短片所見，疑似脫星Jenny McClain嘅女性，表現非常淫蕩，手口並用替男士服務，片段中男女更大講粗言穢語，外界懷疑當事人實情就係Jenny McClain，火頭即時辣向阿妹話佢假正經。奇怪係阿妹冇出面否認：「相信每個人都有私隱，對於未經證實嘅傳言，我唔會作出評論！」咁即係點？咪即係玩晒囉！但有消息人士就指性慾短片女角確實係Jenny McClain，只不過係佢耍手段，引起外界關注而已！咁識利用人心，難怪未拍床戲，年薪都多過班真脫星啦！
Jenny McClain小檔案
出生日期：1983年5月17日 三圍：34DD、28、36 身高：5呎7吋