大家唔好以為可以曳曳兼溝到有米闊太，係遙不可及嘅夢想，其實只要去重慶嘅的士高，隨時讓你夢想成真！事關當地有高檔的士高，唔單止係闊太集中地，高質素嘅闊太仲會主動埋身，喪溝型男玩一夜情。如果可以令佢哋開心嘅話，分分鐘得到闊太青睞添！
呢間位於重慶嘅闊太的士高，表面上同一般的士高無異，但當玩家入到去後，就發覺裏面其實劃分咗兩個唔同嘅區域，分別係會員區同貴賓區。喺會員區度，玩家可以溝女或攬仔；至於貴賓區就唔係每個玩家都入到去，皆因守衞只畀闊太會員入去。據悉，呢班闊太會員首先要繳交一定嘅會員費，並有熟人介紹同辦好入會手續，先至可以入內玩樂。男玩家如果想入內溝闊太嘅話，要求更加嚴格，除咗要生得高大有型，仲要有一定嘅行頭，名錶、名衫固然唔少得，仲要係有車一族，守衞先至會放你入去，故此入得去溝女嘅男玩家，必定係身光頸靚。
唔好以為呢啲闊太有錢，質素就麻麻喎！曾經去過呢間的士高嘅玩家表示，喺貴賓區搵食嘅闊太，個個質素相當高，唔單止個樣勁省鏡，身材更係玲瓏浮凸，最重要就係相當主動，當見到有型男喺舞池時，佢哋就會投懷送抱。其實咁樣一啲都唔出奇，因為嚟得呢間的士高玩嘅闊太，個個都抱住溝仔心態，當見到獵物出現時，又點會放過佢哋呢？話雖如此，有去過嘅玩家就認為，千祈唔好咁心急上釣，事關根據佢嘅經驗，最高質嘅靚女通常會喺夜晚十點後先至蒲頭，故此想溝到靚太嘅話，就要揀啱時間喇！
雖然闊太樣靚身材正又熱情如火，但係呢度卻有不成文嘅規定，就係玩家唔可以打聽闊太嘅背景，仲只能夠玩一夜情。不過對於玩家嚟講，呢點當然唔重要，皆因可以免費同靚太打番場友誼波之餘，最過癮嘅就係如果冧得掂班闊太，對方仲有機會畀番過夜費你，名副其實又食又拎！有玩家就表示，曾經搭上咗個闊太，同佢嚟咗場一日一夜激戰，事後闊太就畀咗封一萬人仔大利是佢，難怪當地唔少玩家情願花大筆「裝身費」，都要入去溝闊太啦。雖然呢種玩法過癮，但係玩家除咗要夠行頭外，使費亦一啲都唔平，單係入去貴賓區嘅費用就要成一千人仔。另外，仲未計酒水，聞說最少亦要一千，仲未必一定可以同闊太有下文。呢種玩法確實非一般人玩得起！
隨着內地經濟起飛，不但富豪數目直線上升，而闊太嘅數目亦多咗好多。為咗滿足佢哋嘅需要，內地除咗有專為闊太而設嘅的士高外，仲有女士夜總會同桑拿。呢啲桑拿僅招呼女賓，收費仲相當貴，據聞男技師嘅全套服務，最平都要一千人仔。由此可見，滾，並非男人嘅專利！
撰文：阿豪