幫襯一間食店有好多理由，高質素嘅食物、一流嘅招呼、吸引嘅價錢同折扣，當然唔少人都會考慮埋食店嘅美貌女店員。西安就有一間拉麵店睇中男人鍾意邊食邊o靚女嘅心態，於店內賣麵又賣肉。
近期掃黃消息無日無之，東莞經過一輪掃蕩之後更變得面目全非，不過風暴一直未平息，持續擴展至內地各省市，令好多男人都無處發洩，真係慘過食長齋呀！不過，你估班囡囡又好好多咩，冇生意做一樣要為生計煩惱，所以呢一頭骨場、夜總會、足浴店拉閘，班囡囡就決定轉戰其他場所，當中包括拉麵店！有消息指，西安有拉麵店暗中提供色情交易，呢間拉麵店舖面同一般嘅拉麵店差唔多，但係行過嘅人都會見到有幾位打扮性感嘅妙齡女郎拉客，佢哋一見到有單身男人經過，就會主動拋媚眼，展現一副姣到出汁嘅表情，然後再靠埋目標身邊大送秋波，落足嘴頭氹目標入拉麵店幫襯，好多經唔起考驗嘅男人都會被迷得暈陀陀，被性感店員帶入店內。
入到拉麵店，客人都會發覺內裏裝修簡陋程度可以用「家徒四壁」嚟形容，再睇埋個餐牌仲會發現拉麵只得兩三款。不過，所謂醉翁之意不在酒，裝修同拉麵都係其次，事關最大享受就係有囡囡陪住食拉麵。客人入到去，性感嘅囡囡全程陪伴在側，令客人食拉麵嘅時候完全唔會理會味道，因為雙眼只會專注於欣賞囡囡一襲低胸裝，用一對肉彈做配菜。呢個時候，囡囡除咗會同客人身貼身，仲會問客人夠唔夠，仲需唔需要試試佢哋嘅全餐！對於有資歷嘅男人嚟講，一聽就知道箇中真意喇！嗱嗱聲向囡囡問好價錢，再「雪」埋碗拉麵就跟囡囡上二樓嗒埋個全餐啦！
雖然有云飽暖思淫慾，但係醫生都有話，食飽唔好即刻進行劇烈運動，以免有損健康。而且食飽之後血液都會集中到胃部進行消化，成個人覺得懶洋洋，就連細佬亦未必及時「精神」起嚟！所以客人食完拉麵跟囡囡上二樓嘅套房之時，囡囡都會先為客人提供小量按摩服務，例如按吓肩膀以及雙腳，等客人消化完畢，能量再次充滿全身，先會進行「深層」服務。當然，時間即係金錢，囡囡同一般嘅色情服務一樣，同客人匆匆完事之後就要趕住沖涼換衫，再落樓下拉第二個客入嚟食全餐。
西安古稱長安，自古以來就係歷史重鎮，總共有十三個王朝都係於西安建都。而今日嘅西安仲同雅典、羅馬、開羅並列為世界四大古都，所以當地亦擁有好多歷史古蹟，不過就因為古蹟多，所以令西安睇落冇咁現代化。
撰文：賢