一眾要經常中港兩邊走嘅港男，北上工作總會有一兩位老相好隨時候命，方便起筷，食完返港。我大軍就認識一位港人買手，對方每星期總會北上，由於時間緊迫，每次過關前都會致電老相好訂定酒店，換定戰衣，準備開波！「喂，我哋呢啲只求一洩嘅，邊得閒入骨場慢慢歎吖，搵到件啱嘴形嘅，長期Mark佢，肉價平啲，招呼好啲咪一樣咁爽！」
玩家或者好爽，但係咪真係平啲就唔敢包，好似另一位玩家就試過被老相好經常「屈」佢買胸圍底褲，領得幾次嘢至識醒！「鬼叫自己衰鹹濕咩，件衰妹知我鍾意玩性趣內衣，每次上去都帶我去一齊揀，一買就六七百，有次仲過千添！及後我喺東門發現同一款胸圍底褲只係賣幾十人仔，認真谷鬼氣！」
事後，玩家每次都會自購大量性感內衣，然後再搵老相好着，不過佢話對方反應非常冷淡，有時仲唔肯着住搞。其實據我大軍所知，情趣內衣店喺內地愈開愈多，有不少都係同囡囡掛鈎，帶客入去買胸圍底褲有回佣收。咁大家明白，同樣嘅情趣內衣，點解囡囡會唔肯着啦！
撰文：大軍