為咗令旗下商品增加知名度，好多商家都無所不用其極，舉辦大型展覽會乃是最常見手法之一。不過，開咗展覽會亦要想盡辦法出位，好似較早前內地一個寵物用品展覽，商家仲出動到人體彩繪表演添！而最近於福州舉辦嘅一個大型嘉年華，當中亦有商家為咗推銷產品而盡出奇招，至於最特別、最吸引之處，就莫過於有美女即場出浴喇！
當日，場館內突然擺放咗一個浴缸，同時又有幾位三點式美女殺出，即場表演美人出浴，睇到在場嘅男士個個都猛吞口水，可能美女都知一班男士睇得飢渴，所以用濾水器將沖涼水處理，然後拎畀男士們試飲以解口渴。冇錯，呢個美人出浴嘅噱頭，咪就係濾水器生產商推出囉！如果想睇美人出浴，又想知道有冇人飲用美人嘅沖涼水呢，就可以Click上趣看天下精品博客了解吓喇！
網址http://blog.sina.com.cn/s/blog_69f845650100m8ia.html?tj=1
撰文：祖