相信制服誘惑之中，學生妹嘅校服造型，可以話係最受客人歡迎嘅其中一種，唔少夜場一用學生妹制服做招徠，就馬上會大收旺場之效。但原來喺內地夜場有個不成文規矩，就係唔可以用學生制服嚟搞搞震，否則會惹來不少麻煩。
侮辱成分
客人喜歡學生妹制服誘惑，猛咁叫夜場搞，咁去邊度搵校服呢？夜場老總們真係絞盡腦汁！據資深老總平哥講，佢哋問過唔少專業意見，原來囡囡着日式水手裝喺內地唔算係校服，於是一搞親學生妹活動，就會以水手裝嚟示人。
平哥話：「其實囡囡着校服，冇乜嘢話規定唔規定，最主要係怕畀學校投訴，話你哋啲囡囡着佢哋款校服嚟搔首弄姿，有侮辱學生嘅成分，我聽番嚟喺上海就有一單嘢，學校發現一間大型夜場，用咗佢哋校服嘅款式嚟做制服，於是告嗰間夜場，最後要賠成百萬畀學校，所以好多夜場都唔敢再博，就算將啲校服改晒顏色，設計有明顯出入都好，最後都唔敢冒險，費事畀人告，一鋪輸成百萬。」
咁點解決客人嘅需要呢？平哥話：「原來校服當中，日式水手裝係冇乜內地學校用嚟做校服嘅，而就算有，但設計權都唔屬於佢哋，加上係人都覺得日式水手裝係日本女學生着嘅校服，所以唔會令人想起內地嘅學生，於是可以偷雞攞嚟用。」
咁客人嘅反應呢？平哥話：「我哋唔係扮嘢大賽，所以扮得更似都冇用，我哋要囡囡着校服，只係要攞個現場氣氛，比起內地校服，相信唔使我講，大家都會覺得日式水手裝更受客人歡迎，而且囡囡着咗會增添日本女孩子嘅味道，有啲客更要囡囡着住套校服嚟親熱添，真係講你都唔信！」所以上到去玩，咪詐型來來去去都係嗰套「校服」，有得你玩已經好唔錯啦！
據坊間野史記載，話說二次大戰之後日本好窮，好多人連衫都唔多件，唔好話有校服着，當地嘅慈善機構為學校女童向一啲水兵進行募捐，最後攞咗一批水手衫改裝為女童嘅校服，自此水手裝就成為日本女童嘅校服。由於深入民心，有唔少風俗店同AV片都攞佢嚟玩，於是只要囡囡着上水手裝，就會有種誘惑感覺。
撰文：小德