英國足球神童朗尼嫖妓事件愈爆愈醜，據聞連弟婦都幫理不幫親，而同屬英籍嘅脫星Natalie Heck就笑言當事人蠢，事關佢有名有利，仲使乜買春咁低莊，連佢都甘願同朗尼上床咁話！
於英國土生土長嘅脫星Natalie Heck，自認同神童朗尼同年出世，而阿妹亦熱愛足球，更同足球結下不解之緣，皆因佢過往嘅男友，唔係球員就係同足球事業有關。Natalie Heck爆料話：「我第一任男友係守門員，我好欣賞佢健碩身形，床上又充滿活力，可惜佢無時無刻都職業病發，每逢見到球形物體彈吓彈吓，就會不自覺地想一抱入懷，同佢一年嘅日子，我每晚都畀佢搓到腫晒！最後之所以分手，咪因為佢衰手多，行街非禮件大波妹囉！」
Natalie Heck嘅故事真係爆笑，但佢並非因此而害怕足球員，而第二任男友正係一位前鋒球員。阿妹話對方腳頭超重，更深深感受過對方有幾犀利：「我明白球員都有職業病，我第二任男友見到圓形物體就想出腳踢，有次我喺佢面前烏低身執嘢，咁啱個八月十五對準佢，點知佢一腳伸埋嚟，搞到我成個人向前仆，撞瘀咗個頭，雖然事後男友話純粹玩吓，測試足球同屁股邊個彈性好啲，但我真係接受唔到，最後又咪係分手收場！」兩次感情受傷都同足球有關，都唔知話阿妹黑還是佢男友癲好？
見過鬼應該怕黑，但Natalie Heck竟然話一啲都未驚過，第三位男友都係足球員，好在係退役嗰隻，現正為球隊執教，奈何阿妹話呢件至最可怕？「佢每晚都當我係球員咁訓練，我嘅起居飲食習慣，每樣都要得到佢批准，咁都唔緊要，最離譜係同佢上床有如軍訓，姿勢要跟足要求，假如做唔到就會被重罰，記得一次玩推車仔姿勢，佢要求我條腰貼地，我做唔到佢就夾硬拗我，事後仲要我做五百吓掌上壓以示懲戒，當晚我就即刻執嘢走！」照阿妹咁講，英國嗰啲同足球有關嘅男人，豈非全部有問題？「又唔係，你睇朗尼都冇乜嘢吖？又識嫖妓又鍾意起雙飛，出手仲咁闊綽，係女人都冧啦！而我最欣賞佢夠戇居，假如做我男友就開心死囉！」Natalie Heck以你嘅條件都應該冇問題，不過等佢離咗婚先啦！
出生日期：1984年10月29日
三圍：34EE、24、34
身高：5呎2吋
撰文：祖