是次內地掃黃賭毒，規模之大有目共睹，加上亞運在即，廣東省有傳超過千間娛樂場所要停業。有玩家更話入夜氣氛猶如死城，由於復工無期，部分於夜場工作嘅媽咪及小姐惟有改變策略，轉移陣地搵食。
據一位叫Bibi嘅媽咪講，依家部分酒家嘅晚市時段經已唔再係平常人入去食飯，差不多全場都係嫖友。好似呢晚頭五間包房嘅都係佢啲客，情況就好似喺夜總會開工一樣，但有啲唔同嘅係，搵佢嘅人客散落於不同酒樓，所以單係帶小姐已令Bibi疲於奔命，但當事人話情願辛苦，好過畀其他行家搶飯碗，更好過手停口停！
原來早前因為大型掃黃，老闆決定玩偷雞形式經營，但其後又因為消防不合格而被飭令停業整頓，但停業期間媽咪依然收到不少熟客電話，部分更係大客戶，每次使費動輒過萬元，於是幾位媽咪就聯同經理去酒樓「傾生意」！Bibi話：「我哋同酒樓傾好，包佢哋晚市一個月，銀碼就唔好講，總之每晚起碼五位數字啦！之不過個場就任我哋用，有事發生就佢哋搵人孭！」
一切準備就緒，Bibi就帶同囡囡喺酒樓開檔，佢話第一晚生意一般，事關大家都係怕喺酒樓玩太揚，更易出事，但經過各路好友傳開後，人客就開始躍躍欲試！
其實學似Bibi咁借屍還魂嘅例子確實不少，部分暫時失業嘅小姐及骨場技師亦轉移陣地，跑到裝修簡陋嘅食店守候，看有沒有辦法搵到合眼緣嘅人客，部分則由雞頭帶領，先到食店同人客見面，假如雙方合眼緣就上房交易。不過呢種玩法不太受人客歡迎，尤其是食店老闆知道囡囡喺場內拉客就會出面驅趕，但所謂道高一尺，魔高一丈，有賣淫集團甚至用雞頭作領軍，喺餐廳內等人客，當正餐廳係交易平台。有嫖友話：「啲雞頭同一張枱由朝坐到晚，啲囡囡就出出入入，一條女出動，另一件就入座，雖然餐廳侍應都知道佢哋搞搞震，但基於打工仔心態，一般都隻眼開隻眼閉，部分醒目嘅雞頭更會打游擊，早午晚到不同餐廳，以避開掃蕩目標！」照嫖友講，現時北上依然大把嘢玩，只要識窿路，任何囡囡都玩得到！
內地有報道指，今次嘅大型掃蕩，被喻為「色情之都」嘅東莞影響最深，據統計市內有超過十萬名妓女，且數目與日俱增。業內估計每年產生經濟效益近四百億人民幣，同時衍生出不少相關服務工種，假如色情行業全面停頓，除咗不少服務性行業會面臨倒閉令打工仔失業，連帶囡囡亦要繼續遷移到偏遠地區服務。
撰文：祖