艷菊花：我舊男友之前都有經常搵我出嚟行街睇戲，雖然當時我有另一位男友，但係話晒都有感情，所以我咪應約囉！畀舊男友氹兩氹，我哋仲去開埋房添！家陣隔個月我哋都有打吓友誼波，我諗呢段關係都要到我真係結咗婚先可以結束喇！
羅漢果王：有次，我舊情人突然打電話畀我，又話要生又話要死，我梗係上佢屋企安慰佢啦！點知就係咁再次撻着，不過做完之後我先知佢原來已經結咗婚，嚇到我腳仔都軟埋呀陰功！之後我當然冇再同佢幽會啦！
微雨妹妹：人哋話再見亦是朋友，我就唔係咁諗，過咗去就算啦！仲玩再續前緣，咪盞悶親自己，家陣我個個月都換新男友，個個月都有新鮮感，你話幾爽呢！