最近AV公司Alica Japan打咗漂亮嘅一仗，就係簽到前AKB48成員中西里菜加盟拍AV，呢個囡囡未出碟已經引起哄動，相信當新片一推出，定會賣個滿堂紅，但身為日本三大AV公司之一嘅佢哋出手習慣連消帶打，至於下一招又會係點呢？
據當地知情人士透露，佢哋搵咗個藝能人返嚟，呢位新人叫做葵司，今年20歲，之前係做寫真水着妹，佢拍嘅相片異常性感，所以早有傳聞極有可能下海拍AV。果然，畀Alica Japan游說成功，家陣仲同中西里菜同期出碟，有人擔心兩人都係以清純美少女為賣點，會唔會出現自己人打自己人嘅情況呢？呢層大家大可放心，因為咁樣安排，原來係早有預謀嘅！
首先中西里菜挾着AKB48成員之名拍AV，未出碟已經全日本轟動，到出碟時一定做足宣傳活動，人氣定會節節上升，而公司乘機加推一個新人，跟住中西里菜一齊去做宣傳，希望可以食住個勢，連新人葵司都帶旺埋，令佢人氣急升。
其次，公司考慮到中西里菜未必養得熟，因為阿妹本身知名度極高，而且同公司只有一片合約，與公司關係並不密切，一片爆紅之後，極有可能又會轉換戰場，到時公司花咗咁多人力物力落去，只幫佢一個人「升呢」，就會極之唔划算，於是喺今次宣傳活動中，加多一個公司嘅「親生女」，萬一中西里菜事後起飛腳，佢哋都仲有葵司留低，之前所做嘅嘢都唔會白費。
而且葵司受到公司重用，實力同中西里菜應該有得揮，擁有甜美臉蛋同埋34D上圍嘅葵司，實力毋庸置疑，家陣欠嘅只係知名度，所以公司趁今次大事宣傳，一於幫埋葵司造勢，相信到十月推出首發作品時，一定唔會令大家失望。
撰文：小德