港男北上耍樂，最常見於周末出動，平日則會下午過後出發，但據講因為內地洗太平地，嫖友為免發生意外，都轉戰晚間或清晨時段至上房。但有骨場經理就對我大軍表示，近期深夜三點至係黃金時間喎！經理話：「自從掃黃開始後，早午晚市我哋都暫停營業，到近期偷雞重開，老闆決定只開深夜時段，竟然有咁多人支持！」
經理話由深夜兩點至清晨五點，短短幾粒鐘個場都七成爆滿，證明嫖友都餓咗好耐，就算再夜都肯玩，但問題係嫖友山長水遠上去玩，咁日頭時間去咗邊呢？有嫖友就話要視乎環境而定，部分大場同正骨場掛鈎，先安排去揼個正骨，雙鐘費用由邪骨場包底，要加鐘則人客自付，直至深夜至包車過去隔籬場梳乎，因此玩家會選擇最後一班車上路。嫖客話：「若然兩三個兄弟一齊去玩，可以先去酒吧目及吓女，夠鐘再去爽都未遲！」
撰文：大軍