踏入九月內地掃黃再次進入高潮，據講會一直做到國慶後，而各地治安單位，都對夜場加強監管，特別係夜場職員更要劃一登記，除女性客人外，全部喺夜場出入嘅女性都要登記。夜場更要發證件畀佢哋，例如工作證、訪客證等方便檢查。所以就算送外賣嘅阿姐，只要一入夜場，都要掛個訪客證，等有關方面嚟檢查時，分得出喺現場嘅係客人定係員工。而女性去夜場玩，家陣亦一樣要帶身份證，因為佢哋會登記埋客人嘅資料，如果晚晚都查到你喺度，咁極有可能懷疑你係依靠夜場維生嘅囡囡，例如喺附近嘅髮廊妹。由於加強管制夜場，所以囡囡無論係公司女定係自由身，家陣都要隨身帶備身份證，方便有關方面檢查。