最近內地嚴打力度加大，所有囡囡喺夜場出入，無論係咪職員，都要登記身份證，去酒店開房亦都要登記。好多囡囡因為種種理由，手頭上係冇身份證嘅，於是鋌而走險用假證，客人唔知同埋佢一齊，隨時撞板一鑊熟。
而好多囡囡因為種種原因，佢哋冇身份證喺身，例如係離家出走或者怕出事會畀父母知道，佢哋都唔會用真正嘅身份證，惟有鋌而走險，去幫襯做張假身份證。據內地傳媒報道，做一張假身份證十分簡單，放低照片，交低六十至一百元就可以做到。
有啲假證幾可亂真，用嚟呃夜場主管仲可以，但要呃精明嘅警察叔叔，一定冇咁容易，當檢查時發現用假證，罪名真係可大可小，比賣淫更加嚴重十倍。客人唔知，同正呢啲囡囡開房，除咗告嫖妓罪外，仲可能因囡囡用假證而被牽連，就算唔告你，因為你同佢開房，一齊用身份證登記，要你指證囡囡曾經犯上有關罪行，你都有排煩。家陣立立亂，大家都係少啲返去玩好啲！
內地同香港唔同，佢哋唔使隨身帶身份證，因為冇差人查佢哋，就算見工，亦有好多工作係唔使出示身份證，如有需要只要隨意搵一張身份證去證明身份就可以，所以好多人出街都冇需要帶身份證，甚至有啲仲喺父母嘅手中。另外，身份證有晒老家嘅資料，萬一出事，可能會驚動家人，所以囡囡都怕用自己張真正身份證嚟登記資料。
撰文：小德