較早前有o靚模被揭曾經做過援交妹，惹起社會對援交行為熱切討論。不過，援交於香港相對於日本，或者內地都未算厲害，早前上海寶山區更被發現有援交妹提供埋SM服務，仲有辦睇添！
隨住愈來愈多人上網，成為生活不可缺少一環，好多人更加上網成癮，唔上網就周身唔舒服。當然，由於咁多人透過互聯網同其他人談天說地，唔少雞頭亦一於利用互聯網吸引嫖友，而呢個情況於內地亦甚為普遍。較早前有消息指出，上海寶山區就有唔少呢類雞頭，成日到網吧發布訊息，不過用嘅字眼一般都比較隱晦，例如「新菜上場，敬請一試」、「90後少女意欲交友」之類，目的都係為咗吸引好色之徒注意，由於佢哋經驗老到，部分更係老主顧，所以一睇訊息就知道背後有何含意。至於一啲新嘅而又有興趣嘅網友，就會透過訊息留低嘅QQ號碼，同對方聯絡。當然，一聯絡上之後，雞頭對於生客就未必會立即講有關交易，而係慢慢利用曖昧及試探字句，了解一下網友係咪真係想幫襯。
同網友溝通嘅所謂援交囡囡，實在好多都只係雞頭本身假扮，有時亦有代辦人員，佢哋上討論區以及QQ嘅時候都會用假名以及假相片。另外，亦有囡囡親身同網友溝通，仲聲稱自己係甚麼大學生、白領OL等等，不過身份又係假嘅，因為有消息指出，好多做網絡應召嘅援交囡囡本身都係夜總會小姐。呢班小姐因近期掃黃風暴吹襲夜蒲熱點，搞到冇場落班，生計大受影響，因此將自己再包裝成為援交囡囡。當然，夜總會小姐又未必及唔上真正援交囡囡嘅，起碼佢哋有經驗，識招呼人客先啦！亦由於呢班小姐脫離夜總會，成為個體戶，所以交易金額都會較低，一般三百蚊以內就有交易。
曾經幫襯過援交囡囡嘅人士都話，佢哋雖然鮮嫩樣靚，但係服務態度就相當差，而且招呼亦冇心機，可以話毫無功夫可言。然而，寶山嘅援交囡囡就有少少唔同，好似先前所講，有唔少夜總會小姐充當援交囡囡，令招呼服務質素提高，有部分甚至提供網絡應召少見嘅SM服務！事前囡囡會透過視像鏡頭，傳送一小段SM演出畀網友作睇辦之用，增強客人嘅興趣同信心。事實上，掃黃風暴之後，除咗夜總會，亦有好多骨場拉閘，據講因為呢個原因，場內好多玩樂道具都被拎走或低價放售，因此有人相信援交囡囡使用嘅SM道具都係由骨場輕易取得，亦被利用為應召服務嘅賣點之一。
上海北部嘅寶山區位於長江同黃浦江交匯處，係上海第一個城鄉一體化嘅行政區域，而且仲係上海重要的工業、鋼鐵業以及能源基地，更係全國最大的集裝箱港區，因此吸引大量企業落戶，經濟發展相當強勁。
撰文：賢