脫星靠剝衫搵食，日剝夜剝當然唔矜貴啦！所以脫星Kirsten Andrews決定改變呢種作風，入行嘅第一條件就係按時剝衫，過時就要收附加費，奇在各路製片又受佢嗰套，究竟阿妹有乜咁巴閉呢？
歐美脫星一街都係，隨時撞口撞面都話自己係脫星，喺供過於求情況下，現任脫星都未必有工開，又點敢亂開盤口要求多多？但美國脫星Kirsten Andrews就向來聲大大，阿妹認為剝衫冇問題，但要剝得有尊嚴至得。Kirsten Andrews解釋：「平常人未必了解四仔片場運作，喺等埋位時，男女脫星都肉帛相見，最多得件浴袍蔽體，但當埋位時就要按導演指示，赤裸裸直至拍攝完畢為止。假如是但一個唔生性，隨時要剝多幾個鐘！」
Kirsten Andrews自認係專業脫星，奈何同行質素參差，因此諗出按時剝衫條例，希望大家表現全情投入，而毋須公司多付製作費！「其實我計時剝衫係迫不得已，事關脫星職責係剝衫畀觀眾睇，而非於片場亂剝一通，所以我呢個計時方法主要目的，係警惕大家專注工作，唔會浪費時間！」
大部分脫星都非常認同Kirsten Andrews嘅做法，事關可提高脫星形象及可增加收入，但男優就深感不滿，認為阿妹扮大牌兼搞亂四仔運作。有男優怒插：「Kirsten Andrews嘅條件非常多餘，須知道四仔係色情藝術，絕冇可能流水作業式運作，好多時要連拍幾次至可以出街，若然所有脫星都學似佢咁，四仔成本必定大幅增加，影響投資者製作意欲！」而脫星Kirsten Andrews則認為男優都可以提出相同要求：「假如男優覺得唔公平，一樣可提出計時挺硬做法，假若脫星喺床上表現未如理想，可要求加錢再拍！」有網民就話阿妹講風涼話，皆因男優喺四仔界可有可無，邊似得啲脫星可以要求多多呀！
出生日期：1983年4月11日
三圍：34D、25、36
身高：5呎6吋
撰文：祖