所謂一分錢一分貨，追求好享受當然要畀多少少錢，假如只求滿足基本需要，畀少少錢就唔好有咁多要求喇！出嚟玩就要明白呢個道理，所以唔少夜場都會話自己個場質高料靚，以吸引玩家。
最近東莞及珠海一帶，屬於夜蒲熱點嘅地區都深受掃黃颱風影響，搞到原本夜夜笙歌、愈夜愈精彩嘅情況不復見，夜場當然冇啖好食啦！最慘係班囡囡一係返鄉再謀打算，一係轉做企街企到腳軟。然而，呢邊廂打風，另一邊廂，其他省市嘅夜生活就相對變得精彩，好似溫州咁，除咗湧現唔少足浴店、桑拿場之外，仲有唔少大型又豪華嘅夜總會開設，吸引咗唔少外地客去遊玩一番。當然，要成功突圍，夜總會一定要保持高質素，裝修要落足本錢，對於挑選陪唱囡囡以及公關亦一定要嚴格。最近一間溫州夜總會，就上網發布一則有關招聘嘅訊息，惹起有興趣落場一玩嘅朋友注意。
消息指出招聘人員主要為模特兒、佳麗以及公關。當中以模特兒嘅要求最為嚴格，身高一定要一米七（約5呎7吋）以上，仲要相貌娟好，兼且要擁有走騷經驗。而對佳麗嘅要求亦要有一米六五（約5呎5吋）以上，外形亦需要出眾。最後公關就冇外形上嘅要求，不過就要有良好溝通技巧，負責協調小姐與客人之間嘅相處。基本上，入去幫襯其實就可以見到晒呢三種囡囡，因為入到夜總會就已經見到多位模特兒走騷，到包房坐低之後，除咗可以欣賞到房間內部豪華貴氣嘅設計之外，公關就會帶班佳麗入嚟畀客人挑選。如果客人有特別要求的話，公關以及模特兒亦唔會介意親身坐枱陪客，當然價錢就會貴少少啦！
據一啲曾於當地夜總會玩過嘅客人表示，經常聽啲囡囡講呢度走高檔路線，只要畀客人選中，該晚就已經有五百蚊收入，至於坐坐吓枱被客人彈鐘則會被扣錢，因此令囡囡保持到良好態度招呼人客，直接令個場保持高質素嘅服務。至於招呼客人嘅內容，亦以陪唱為主，唔會學以前東莞一帶嘅夜總會咁玩到天花龍鳳，玩剝衫遊戲，或者直接裸陪，原因係要令整個場形象更加高貴，好似日本陪酒業一樣吸引豪客入場幫襯。當然，於場內搵囡囡陪唱雖然只得陪唱咁大把，最多係摸吓手仔同錫吓面珠仔，不過事實上每個囡囡都可以帶出街過夜，費用約為千五蚊左右。而每次帶女出街，客人以及囡囡都要向公關登記，畀晒錢搞好晒手續先至出得門口。
溫州風景優美，近年更大力發展旅遊業，當中嘅靈峰景區更係必遊之選，事關景區風光秀麗，入夜之後更加有機會睇到犀牛望月嘅奇景！
撰文：賢