網民投訴話今屆本地選美質素參差，每次現身都有「豬扒」稱號，難得當事人EQ夠高，圓滑面對。而喺美國原來亦有脫星因為落選，谷鬼氣走去加入脫星行列，無非想證明自己有條件，只係評審唔識貨，點知又被網民圍攻，呢次真係自己攞嚟衰！
香港呢個彈丸之地，一有選美就全城關注，相反美國咁大，假如逐個州輪住選，閒閒哋都可玩一年半載。而自稱選美出身嘅脫星Mia Teaze就表示，三年前因為落選比堅尼選美後心有不甘，決定要加入四仔界，透過寫真及電影，畀天下觀眾欣賞其身材，及替其不值咁話。「當時我一畢業就去參加比堅尼選美，希望可進軍娛樂圈，點知初賽就被評判話我身材曳踢我出局，仲叫我唔好再參加！當時我好傷心，事後更覺得被人侮辱，於是同年就走去成人雜誌當寫真女郎，或者因為夠青春加上身材好，話咁快就有公司搵我拍四仔！」的確，廿歲出頭嘅Mia Teaze係脆卜卜，但論身材就……
自言毫不考慮就拍四仔嘅Mia Teaze，原來係為咗啖氣，事關佢要讓天下觀眾，尤其是男性去為佢平反，因此阿妹對片酬要求幾乎係零，但只要一個條件，就係要求穿着親自挑選嘅比堅尼上陣：「我喺比堅尼選美跌倒，希望喺呢個地方起番身。同時，我穿比堅尼好有信心，皆因我身材平均，皮膚白滑，即使未至於完美都應該獲得肯定，而非被一啲唔識貨嘅評判一腳踢走！」果然好重怨氣，既然阿妹肯露，作為觀眾又點會詐型呢，但究竟外界反應係點呢？喺Mia Teaze嘅專屬討論區，網民就覺得當事人着比堅尼好濕碎，即使畀人踢出局都屬正常不過，反而怪責阿妹咁大反應。有人更直言Mia Teaze只係天然B奶級數，冇資格着比堅尼甚至參選喎！Mia Teaze一心諗住搵人撐，依家仲畀人插多兩嘢，都唔知好嬲定好笑囉！
Mia Teaze
出生日期：1986年5月20日
三圍：32B、26、35
身高：5呎3吋
撰文：祖