問：話說小弟經常去開深圳某間桑拿，貪佢價平又就腳，但唔知點解每次上親去，經理都總係鍾意帶埋晒啲中女畀我揀，但見其他師兄，可以Mark到啲後生嘅技師。查實我都係熟客吖，點解啲經理都係咁嘅招呼，真係激死我！其實佢哋係咪蝦我善良兼唔多出聲，先至咁對我呢？因為我聽過啲老友講，北上玩樂最重要係聲大夾惡，咁先至會有好招呼，聞說技師都會靚啲，唔知係咪真嘅呢？
答：其實聲唔聲大夾惡，真係見仁見智。我唔排除有啲場為咗息事寧人，會賣一啲發緊脾氣玩家嘅帳，又或者真係服務差，要發脾氣先至有好招呼。不過講真，出得嚟玩但求開心，傷和氣又有乜謂呢？如果見個場唔好招呼，咪唔好再去囉，係咪？講番揀女嘅問題，會唔會係你冇同經理溝通清楚呀？如果你有講明想要邊種技師嘅話，經理通常盡量安排畀你，否則如果由經理拍板嘅話，佢哋好多時都會搵啲經常坐冷板櫈嘅技師，皆因佢見你嚟幾次，畀乜你而你就食乜，咪有咁嘅誤會囉！下次去玩不妨同佢講清楚啦！
撰文：阿豪