外國人熱情奔放，性格豪邁，如果去過佢哋嘅大型音樂會或者派對，就知道佢哋往往玩得好High，High到會隨便剝埋衫褲！美國一個野外飛車大會亦唔例外，參加人士仲玩到一面飆車一面剝衫添！
香港地小人多，要享受飛車嘅樂趣真係唔容易，一係過澳門玩吓小型賽車，一係返內地大型遊樂場玩碰碰車，唔似美國人咁，幾乎每個月都可以享受到飆車嘅快感！就以美國俄勒岡州為例，當地每年嘅七月尾至八月頭，就會大搞電單車比賽，無計啦！當地地方咁大，而且飛車黨人數眾多，有關當局點都要畀個面，開放郊區畀佢哋搞賽車大會啦！
呢個名為RUN 21嘅飆車大會通常都連搞三日，熱愛電單車嘅飛車一族一定會揸自己架型仔電單車去參加，即使冇車亦一樣可以來參觀，當中更不乏熱情美女，原因可能係靚女特別鍾意飆車型男啦！正因為咁多靚女到場，加上比賽激烈，所以氣氛同天氣一樣咁熱辣辣！
唔知幾時開始，RUN 21呢個飆車大會養成一個傳統，就係到場嘅女士一定會剝去上衫四圍走！可能因為天氣太熱，或者四圍都係引擎嘭嘭聲啦，不過在下覺得班囡囡個個都玩到High爆先係主要原因。RUN 21大會安排咗唔少活動畀參加者，例如啤酒競飲、樂隊演出等，另外亦有別開生面嘅比賽，參加者用自己架電單車鬥噴白煙，同時間亦有時裝表演添！至於最好睇就莫過於電單車巡遊表演，因為電單車型男需要搵個女伴一齊驅車巡遊，而車上嘅女伴仲要剝衫露出雙峰！有時甚至一不做二不休，剝到全裸上陣，確係開放得緊要！
天氣太熱，即使係剝到全裸，亦一樣因為猛烈嘅陽光而成身大汗。RUN 21大會嘅主辦單位亦深知汗水太多，怕熱嘅女士一定唔舒服，所以特別安排一個又消暑又好玩嘅環節畀佢哋，就係濕身透點比賽喇！呢個比賽開放畀任何女士上舞台作賽，比賽嘅時候一班佳麗會真空上陣，只係着住一件單薄嘅白恤衫，再用水淋濕自己，搞到透點收場！同時佳麗仲會跳吓艷舞，邊個態度夠放，令台下觀眾睇得最High就為之勝出！不過咁玩法，佳麗就應該可以消暑，只怕台下觀眾睇完之後仲熱過之前喇！
撰文：賢