姑爺民：最近識到個女仔，十分斯文，以為佢唔會同我有婚前性行為，點知前幾日佢同我話，好想試吓「車震」嘅味道，我應否成全佢嘅願望，滿足我嘅獸性呢？
大鼻仔：梗係要啦！人哋女仔都開到聲，你仲唔把握眼前機會，小心蘇州過後冇艇搭，到時恨錯難返，搵咗其他人嚟同佢玩「車震」，到時揼心口揼到嘭嘭聲都冇用啦！
小詩女：女仔開到聲係要尊重嘅！但係你有冇問過佢想同你「車震」嘅原因呢？會唔會有啲乜嘢心理陰影喺度呢？最好都係喺同佢「車震」之前，問清楚原因好啲！
勿當奴：女仔嘅嘢五時花，六時變，理佢有冇過去都好，計我話今晚即刻就拉佢去「車震」，冇車都唔緊要，我借埋架車畀你，一於嗒咗先算，同佢講多都無謂呀！