西洋波經:Haley Cummings 熟女扮青春

年齡係女人最大秘密,因此冇女人會願意講真話,即使畀你估中都死口唔認,咁至夠神秘感。脫星Haley Cummings就深明此道,所以由出道至今都不願公開自己真實年齡,六年來都保持十九歲,奇怪粉絲又非常受落!

撰文:祖

脫星日日推陳出新,年資耐嘅好聽叫前輩,衰啲講就係中女兼阻住搵食。奇在脫星Haley Cummings不但冇人嫌佢老,事關阿妹深明遊戲規則,挑起外界想揭開佢嘅真實年齡喎!就咁睇阿妹嘅相貌及皮膚,的確非常嗒得杯落,面尖尖、皮膚白滑兼有對抗地心吸力嘅假巨咪,唔話畀各位知仲以為佢初出道。

查實翻查資料,阿妹早於04年已開始拍成人雜誌寫真,同年更參演四仔,假如當年夠秤入行,家陣起碼都廿五有多,但當事人堅持自己19歲。「既然做脫星乜都可以假,點解年齡唔可以呢?再者,我話19歲無非係想提醒自己,時刻保持青春狀態,等大家睇得開心!」講到尾Haley Cummings都冇公開真實年齡,而外界就愈估愈離譜,口痕友甚至話阿妹已四十有多,有冇咁誇呀?

外界胡亂猜測,但Haley Cummings一於少理,繼續做好自己。有欣賞過佢作品嘅人都大讚阿妹夠青春活力,床上表現積極,而且勇於接受新玩意,難怪影迷都當正佢係新入行嘅妹豬。Haley Cummings話:「做女人幾時都要Keep住年輕,否則心態一放鬆,整個人自然會即時變老,不但影響心情,連事業都隨時冇埋!」難怪阿妹咁鍾意扮後生,經常穿着花喱花碌嘅衫現身:「我最鍾意着啦啦隊制服出場,既青春又性感,可以話係我嘅床上戰衣!」

睇得出,制服配以阿妹逼爆嘅身材,果然零舍有睇頭,不過正因為Haley Cummings經常扮青春,同行姊妹都視佢為眼中釘,堅拒同阿妹合作。有脫星表示,若然同Haley Cummings同床獻技,令外界覺得自己好老。因此Haley Cummings甚少開拍豆腐片,不過冇所謂,以佢咁正嘅條件,大把男優爭住同佢上床啦!