新法例實施，港人限買十九支煙回港，即是話一包廿支嘅免稅煙，假如要帶過關，其中一支就要打稅。呢啲咁擾民嘅嘢有煙民話係政府至諗得到！不過正因為夠絕，造就私煙「商機」，有本地夜場北姑對我大軍表示，身邊不少姊妹搵到食就會嚟香港玩，自從新例實施後，夜場北姑成為拆家，每當有姊妹落香港就要求帶貨。「完稅煙成四十蚊一包，咁貴點食呀？依家我每星期大約有十位姊妹落嚟玩，每人同我帶兩條，我每條加一百蚊放出去，再同姊妹對拆，好過夜晚返工呀！」嘩！免稅煙成本每條約百五元，一日閒閒哋執幾百，之不過呢啲犯法嘢都係唔好做嘞！「咁耐以嚟我同姊妹都未衰過，況且法例只針對港人，姊妹嚟旅遊，有乜好怕？」