Joe仔：小弟有個難題想請教各位靚仔靚女。我跟女友同居半年，性生活一直過得非常愉快，每個星期都會搞四五次左右。最近，唔知點解女友突然唔肯做，初時以為係身體不適，但佢又話唔係，總之話冇Mood就唔想做喎。家吓上床嗰陣，我哋頂多只會攬攬錫錫，每當我想玩得深入啲，女友就會避開，究竟點算好呀？
大雯：如果你女友唔肯做，當然有佢嘅原因，如果唔係健康出現問題嘅話，我相信就會係心理方面，你不如問吓女友呢排係咪喺生活上感到好大壓力，事關壓力對性生活都有好大影響架！
笨占：聽見你咁講，我覺得你女友唔想做係一件好正常嘅事，事關你哋以往嘅性生活實在太頻密，不但對身體唔好，而且好易會有生厭嘅感覺，建議你都係停一排，畀啲時間大家休息吓先啦！
娜娜小妹：雖然我對實際情況唔太清楚，但仍然希望你先檢討一下自己嘅床上表現，究竟係咪招式過分單調，又或者係咪欠缺新鮮感？老實講，情慾打得火熱時，做愛次數自然多啲，但當熱情冷卻，情況就會有所改變。