本地o靚模爭住出寫真，懶理好醜高貴定低俗，總之有對咪咪就可以出版。但地球另一邊嘅美國，就愈來愈少囡囡出寫真，而脫星Natasha Marley就堅持要推出實物寫真咁話，究竟為乜呢？
歐美脫星近年少咗推出實物寫真，最主要原因係互聯網效應，事關消費者已習慣網上瀏覽，或下載到手機可隨時隨地欣賞，亦有傳係製作公司借環保為名，大量推出網上寫真，實情就係慳水慳力！而對大部分脫星嚟講，推出任何版本都冇問題，最重要係搵到錢同保持人氣。之不過脫星Natasha Marley就企硬，要定期更新官網寫真外，一樣要推出實物寫真，皆因阿妹認為寫真係要揸上手至爽喎！
Natasha Marley解釋：「網上睇寫真當然方便之極啦！但手執住本寫真亦有另一種風味，試幻想一個人在家，一邊欣賞脫星寫真，一手嗒住威士忌，係咪好享受呢？有人話科技都可以做得到，我認同，但感覺就唔同晒，再者，透過手機或電腦去欣賞寫真，顏色光暗始終會有偏差，同實物寫真嘅原色根本無得比！」
Natasha Marley講得無錯，透過電腦睇寫真，彩色有偏差，未必係脫星想帶出嘅訊息，靚相都可能變垃圾。而為咗追求完美，Natasha Marley堅持要推出實物寫真集，奈何公司不願承擔風險，要求當事人自行處理。
阿妹表示非常心淡，但仍會堅持一年一寫真計劃，阿妹話：「我已同公司傾好，寫真由我自己處理，大賣或蝕本都由我自理，若然暢銷的話，扣除一切支出，收益會捐贈慈善團體，而為咗激發起其他脫星推出寫真集，我決定每年推出一本，希望畀大家睇到我嘅決心，令寫真界百花齊放，之不過質素曳過我嘅姊妹，最好都係推出網上寫真，當係為環保出一分力吧！」
出生日期：1984年6月20日
三圍：32C、25、32
身高：5呎6吋
撰文：祖