阿聰：一直以嚟，小弟每次溝女都會出現同一個問題，就係佢哋嫌我小弟弟嘅Size太大，做愛嗰陣搞到佢哋鬼咁痛，一啲都唔舒服。現任女友嘅情況都差不多，有次做愛佢更因為太痛而拒絕再繼續落去，搞到我到喉唔到肺，真係好冇癮。各位老友，到底我應該點做先可以解決呢個問題呀？
長腳豪：我以前都遇過類似情況，仲記得當時女友直頭痛到大叫救命，最後惟有改用手指及道具去將佢餵飽。建議你可以倣效我嘅做法，就算要埋身肉搏，都係淺入淺出，免得弄傷佢脆弱嘅敏感部位。
占基利：作為女人，當然希望同男友玩得盡興一啲，之不過每個人嘅體質都唔同，有啲女仔確實天生容量特細，好似你呢類天生異稟嘅男人，就梗係難以接受啦！建議你可以從招式上着手，互相遷就一下。
德德：我都同意占基利嘅講法，共同搵一個適合嘅招式。不過，你亦可以先向性治療師求助，話晒人哋係專業人士，聽吓佢嘅意見之後再尋求解決方案，相信係最正路嘅做法。