大蘿蔔：較早前我同老婆返內地探親，於是就去邪骨場玩，好衰唔衰，玩完之後，一落街就撞正老婆個姊妹，最後梗係畀佢篤我背脊啦！老婆雖然冇嗌離婚，但係沒收信用卡以及限我每日只帶兩舊水出街。
黃絲絲：我老公日日話同朋友去飲酒，但係返到屋企成身都係香水味，畀我問完一輪之後，佢先認去咗偷跳，真係激死我！所以我就罰佢送個名牌袋畀我，消一消道氣！
彈豬戰士：有次唔小心，將自己個電話畀咗個一樓一，後尾佢打嚟搵我叫我上去幫襯，咁啱女友在旁，畀佢搶咗個電話，再打電話畀個一樓一就穿晒煲！女友興到呱呱叫，成個月都唔睬我添呀！
拜金女：嗰次男友話北上公幹，但係返嚟嘅時候，畀我發現佢個銀包有幾張常平夜總會媽咪嘅卡片，我梗係即刻同佢嘈啦！雖然佢話係應酬，但係我接受唔到，最後都係同佢分手收場！