乜嘢比賽都係有人歡笑有人愁，世盃斯洛伐克黯然出局，但外界對呢班波就話踢得精彩，交足功課！而喺美國搵食嘅脫星Angel Dark，早前更誇下海口，假如球隊可入決賽，免費陪球員瞓足一個月當獎勵喎！
祖家斯洛伐克嘅脫星Angel Dark開出呢個盤口，幾乎無可能，難怪講得咁輕鬆啦！之不過阿妹都唔係死淨把口嘅，喺球賽進行期間，Angel Dark每當有比賽都會剝衫睇波，順道為自己國家隊打氣，Angel Dark認為咁做可以吸引更多人留意斯隊嘅表現，同時多人睇波都興奮啲！但口痕友就話阿妹乘機抽水，借足球宣傳自己，面對指摘，阿妹勞氣回應：「我問心無愧，無私奉獻全裸陪球迷睇足九十分鐘，勢估唔到佢哋唔欣賞仲要踩多兩腳，真係好痛心！」雖然阿妹口講好痛，但都剝足四場，真係用心良苦囉！
對於國家隊咁快玩完，阿妹表示早就預咗，更力撐球員踢得出色：「一直以嚟都冇人留意我哋國家隊，更經常有人將我哋同斯洛文尼亞搞亂，好彩班球員大打爭氣波，相信自今次後會更多人認識佢哋，他日喺國際球壇上揚名。」呢期阿妹開口埋口都講波經，更表示為咗幫球隊宣傳，乘勢推出隻豉油碟助興，先前畀人話借足球宣傳，睇怕呢鋪想唔認都難！「我推出新作無非都為國家宣傳，真係一啲私心都冇，希望大家支持！」究竟係阿妹諗法天真，抑或佢當啲影迷係三歲細路呢？
出生日期：1983年4月11日
三圍：34C、24、34
身高：5呎4吋
撰文：祖