早兩日同班夜場朋友坐埋吹水，突然明白到乜嘢叫做「同人唔同命」呢個道理。話說有兩位仁兄，分別係內地桑拿及髮廊嘅負責人，佢哋雙方都係黃業投資者，但係際遇就完全唔同。自從早年開始，有關部門重點打擊色情場所，女源愈嚟愈少之餘，啲場執吓一間又一間，營業額跟幾年前比較，確係差好多。
呢種連鎖效應之下，所有人都認為內地夜場好難翻身，就連桑拿場嘅負責人都係咁講，不過自從早前世盃開始之後，接二連三嘅足球賽事，令到大量愛睇波嘅骨友都湧到內地桑拿，大夥兒一邊享受揼骨，一邊睇波。
桑拿場朋友話，呢個月嘅生意額比去年同樣時間好好多，仲話其實幫到佢最大忙嘅，就係足球比賽，因為呢個賽事夠晒矚目，而且球隊粒粒皆星，再加上賽果令人感到意外，所以就吸引到唔少生客上去幫襯。球賽吸引到客人去桑拿，髮廊就當然唔能夠享受到呢個優勢。同時間見到兩位仁兄有唔同環境，真係令人感到世事無絕對！
撰文：大軍