呢晚電視直播一場國際性足球賽事，梗係要睇啦！點知女友露茜竟喺呢個時候要我同佢曳曳，真係畀佢激壞。不過，場波未打完上半場，我已經「打完全場」，小兄弟打回原形，露茜突然轉身打我大髀，鬧我：「好衰架你！」！我衰！我衰咩呀？你唔係好High咩？唉！女人個「衰」字，真係用途廣泛！
露茜入浴室，留低我繼續睇波，可能因為頭先同英格蘭球員一齊進攻，同上同落關係，我開始有啲愛上英格蘭。下半場開波，我同露茜赤裸裸坐喺床上一齊睇波，忽然間，發覺佢呢一刻零舍可愛，於是我忍唔住對佢上下其手。
露茜望住我話：「咁快又嚟料！食錯藥呀？」
我話：「一邊摸一邊睇波，你試過未？」
佢笑一笑，成個人挨喺我個心口度，並引導我的手去撫慰佢身上每個敏感地帶。呢個時候，大家又再次進入作戰狀態，我一個翻身將佢壓住，繼而提槍上馬，衝呀！與此同時，球賽正進入下半場最後階段，我同英格蘭一齊全力進攻，點知唔夠五分鐘，電視傳嚟入波嘅歡呼聲，望一望螢光幕，唔係呀？英格蘭竟被對手嘅突擊得手，冇幾耐哨子一響，輸波收場。我心情當堂Down晒，就連腳都軟埋，呢一刻我終於明白，一邊睇波一邊曳曳……確實係會影響心情。
撰文：娟娟