利字當前，懶理係同鄉姊妹感情有幾好，原來一樣可以變仇家。最新例子有來自匈牙利嘅脫星Anette Dawn。阿妹為咗爭上位，除咗中傷好姊妹外，仲大優惠益片商，實行有你冇我！
所謂同行如敵國，有時為咗保住飯碗，就算使橫手都冇辦法，不過來自匈牙利嘅外勞脫星Anette Dawn為求上位，連好姊妹Aletta Ocean都出賣就真係太過分。話說Anette Dawn比後者更早加入四仔界，雖然樣貌身材皆弗爆，奈何欠缺觀眾緣，加上演技麻麻，一直都係擔當大茄角色，直至Aletta Ocean喺四仔界走紅，當事人決定幫同鄉一把，於是集結同鄉姊妹齊齊出騷兼搞色情網站搵真銀，當中尤以同Anette Dawn最好感情，經常出雙入對兼床上互磨，有錢齊齊搵。可惜，自從Anette Dawn漸露頭角後，阿妹嘅性格亦同時現形。開始脫離同鄉獨自搵食。
Anette Dawn愈嚟愈受四仔迷支持，更倒過嚟反咬同鄉姊妹靠黐佢上位，此言一出，即時辣興一眾姊妹話拒絕同床演出。而Anette Dawn就解釋：「的而且確係班後輩靠我上位，否則就唔會走紅，繼續做大茄啦！話晒我都係前輩，喺呢行已浸淫超過八年，佢哋好應該靠自己，而唔係靠黐博上位。」雖然外界都知阿妹顛倒是非，但當事人確實愈做愈索，外表一啲睇唔出已年過三十，連一眾後起之秀都唔夠佢嚟，難怪影迷對佢嘅新聞一於少理，只集中留意阿妹火辣身材，而阿妹為咗保持曝光，即使免費出席活動都在所不惜，擺明係搶爛市。
出生日期：1978年5月9日
三圍：34DD-24-34
身高：5呎6吋
撰文：祖