最近日本某夜遊網站，訪問咗三百個從事出張服務嘅囡囡，問佢哋喺街度等緊開工嘅時候，最喜歡逛啲乜嘢類型嘅舖頭。收番嚟嘅問卷，有成兩百幾張，甚有代表性，咁究竟係乜嘢呢？即刻話你知！
據統計嘅第五位係時裝店，照計買衫係女人都鍾意，點解只佔第五位呢？原來買衫嘅誘惑實在太大，大部分囡囡嘅屋企都係衣服太多，所以唔係好想行時裝店，避免再買衣服。
第四位就係行小飾物店，因為除咗可以買到最潮嘅飾物之外，最重要就係花費唔多，每次買幾百蚊貨仔就已經好滿足，而且收藏方便，唔怕一抽二抽咁拎住去開工。至於第三位，原來係去化妝品店，囡囡話行化妝品店除咗可以挑選化妝品之外，仲可以喺舒適嘅環境坐吓，同店員吹水，吸收多啲最新嘅化妝同護膚技巧。
第二位就係零食店，唔講唔知，原來出張囡囡特別為食，可能同佢哋嘅工作體力消耗大有關，所以除咗一日三餐之外，仲會好喜歡食零食嚟補充體力，佢哋一得閒就會逛零食店，就算忍唔住手買都只係有限錢，而且可以邊行邊食，方便攜帶！
至於第一位，原來就係行高級消費品店，例如皮鞋、手袋同貴價飾物店等。據受訪囡囡解釋，佢哋往往都係齋行，行完一間又一間，不斷挑選自己嘅心頭好，但就算有錢都唔會隨便買，只係喺度激勵自己要努力搵多啲錢，之後就可以買呢樣買嗰樣。原來囡囡行街都有激勵自己嘅作用，難怪會成為佢哋必逛舖頭嘅第一位啦！
撰文：小德