脫星引退後有乜好撈？有前輩會退居幕後，開設個人四仔公司兼任經理人，發掘新進脫星，亦有唔少嫁人做少奶奶，至於好似脫星Heather Vandeven咁，未引退就諗定做健身教練，更坐言起行操到勁弗，希望拍四仔同時畀人留下深刻印象咁話！
現年28歲嘅脫星，四仔事業如日方中，影迷遍布歐美，而未加入脫星行列前，阿妹係一名天橋模特兒，亦做過化妝，但當事人認為工作要同人合作溝通至開心，加上充滿表演欲，於是就膽粗粗加入四仔界一試。入行後Heather Vandeven火速上位，連佢自己都話估唔到，直到成名後，阿妹竟然話非常驚青喎！「或者我成名得太快，一切得來太易，我漸漸發現來得快失去亦快，我擔心自己會承受唔到影迷離我而去。因此我積極增值自己，希望他朝一日可跳出脫星框框，可以喺其他領域有所作為！」Heather Vandeven真有大志，但有影迷就勸當事人應該安分守己 ，連脫星本分都未做好，唔好學人諗其他嘢喎！
受到外界猛烈批評，Heather Vandeven似乎有所收斂，專心做好脫星分內事，但同時亦不忘搵出路。Heather Vandeven發現，原來佢對自己體態非常有信心，外界亦好評如潮，所以阿妹希望再Keep得正啲，等更多人留意，他日可轉行做健美小姐，攞獎後再做埋教練，賺到盆滿缽滿咁話！「原來我一直忽略咗自己全天然嘅身材，男女都讚不絕口，家陣每日我都會健身，操到自己超弗，最明顯就係我下半身，除咗有腹肌，連雙腿都非常結實，男優話睇見就興奮喎！」的確Heather Vandeven身材弗到冇人有，可惜又有影迷投訴，阿妹似男人多過女人，最離譜係胸都縮埋水，呢壇嘢阿妹你又點拆好呢？
出生日期：1981年9月6日
三圍：34C、24、36
身高：5呎8吋
撰文：祖