早前有班骨友上邪骨場睇波兼疏乎，其中有幾位骨友當晚輸到入骨，所以並冇出火，「淨水」埋單諗住慳番筆，殊不知埋單走人至發現，帳單上同有出火嘅玩家只相差幾十元，骨友當然火起，走去同經理對質。但對方一言不發，帶骨友去大門前嘅廣告牌一睇，原來上面雞乸咁大隻字寫住：賽事進行期間，「淨水」人客每位收費二百元。以每場賽事計，當晚共有兩場大賽，結果人客埋單四百加小費，想拗都冇得拗。好在話晒都幫襯過幾次，結果減收一場賽事，即二百人仔，總算和氣收場。
對於今次事件，我大軍認為，骨場地方有限，要搵食冇得好講，但入場前起碼要通知一聲，而骨友自己亦有責任問清楚，否則喺人哋地方，嘈都冇着數！
撰文：大軍