最近接連收到消息，指繼北京豪華夜總會天上人間被掃之後，多個省市嘅夜場亦搞到風聲鶴唳，咁都好，掃完一輪之後，市面清清靜靜又乾淨，對於當地居民嚟講不失為一件好事。然而，聽聞仲有唔少熱愛北上嘅朋友對夜場依依不捨，冒險都要上去玩。
其實，內地一旦「打風」，為期一向都唔短，都係唔好咁勇，忍得一時得一時喇！可能內地網友楊承欣都知道各位男人唔忍得幾耐，所以特別於自己嘅Blog上面，發布咗一則有關內地掃黃嘅現場照片，作一次實況式報道，等大家了解到掃黃手法如何雷厲風行，亦可收警惕作用。
睇過之後，相信短時間之內個心都會驚驚哋，慾火自然冇咁高啦！
撰文：阿豪
真係好Blog◎http://yangchengxin.blog.sohu.com/155583143.html