大家有幫襯過夜場都知道，只要你一上到去，就會不斷有人老細前老細後咁招呼你，之後仲會猛咁喺你耳邊介紹邊個囡囡正，邊個囡囡好，有時感覺真係幾煩！如果唔想畀人煩親，不妨考慮吓去日本嘅自助風俗店，入到去人影都冇隻！
近兩三年日本因為經濟唔好，風俗店都受到打擊，人手大幅削減，好多風俗店連一個服務員都冇，佢哋美其名叫做「自助」，客人上去幫襯，見到大堂一個人都冇，當你再細心睇清楚時，會發現大堂貼咗好多大字報，內容係教大家點樣玩法，首先你可以先揀囡囡，除咗有樣睇之外，其他資料亦十分詳細，包括性經驗同埋可以提供嘅服務。
當揀好囡囡之後，客人就可以揀服務時間同內容，風俗店提供電腦，由客人輸入相關資料，辦好手續後就要相金先惠，大堂度會有個暗格，等客人塞錢入去就會有人處理。
如果有唔明白，佢哋會有熱線電話，由店長接聽解答疑難，亦可按動詢問掣，有人透過擴音器同你溝通。一切傾好晒之後，就會有人按動電閘，畀客人入去裏面享受服務。
囡囡帶客人入房之後，當然各取所需啦！如果有人投訴，原來要返出大堂，透過電腦輸入資料或者填表作出投訴。至於自助形式好唔好，真係見仁見智，有啲熟手嘅客人，三分鐘唔使就搞掂手續，但亦有人搞咗半個鐘都搞唔掂，但由於呢種做法係大勢所趨，客人唔滿意嘅都要接受現實！
撰文：小德