內地街女以往喺街頭爭客嘅情景，相信不少朋友都會記得。不過，自從當局進行多番嚴打以後，呢班囡囡似乎已經收斂不少，如今佢哋嘅拉客手法就溫和得多，除咗企埋一邊等之外，仲會向途人遞上一張紙。乜嘢嚟？咪就係聯絡囡囡嘅方法囉！
依家內地街女嘅拉客手法，再唔會好似以前咁猖狂，一來可減少被捕風險，二來更避免將客人嚇走。而喺福建，最近老友阿炳（化名）無意中發現咗一個街女拉客嘅新方法，不但令佢能夠一嘗地道溫柔，仲省卻咗唔少尷尬場面。
阿炳話：「早前被公司派到泉州工作，公餘時間百無聊賴，原本想搵人紓緩一下工作壓力，可惜我初到貴境，唔識窿路，想玩都唔知去邊好。直到有一晚，我誤打誤撞去到一條商業街，該處開設咗唔少酒吧，熱鬧非常，仲有唔少吧女向我招手，之不過對佢哋興趣不大，正當我諗住失望而回之際，突然有個打扮性感嘅女郎迎面而來，同我擦身而過，更將一張紙仔塞到我手中。」
阿炳又話，當時嚟唔切追問，索女已經步遠，跟手打開紙仔一看，上面寫有一個名字同手提電話號碼。阿炳立時恍然大悟，原來此乃當地街女拉客招數。
以「遞紙仔」嘅方式去拉客確實夠騎呢，情況就好似深圳啲淫媒於街頭派發色情卡片一樣。而阿炳接到第一張紙仔之後，並冇急於下決定，反而繼續喺街上四圍走走，期間留意到幾個妙齡女郎於街上不斷來來回回咁步行，心知佢哋絕非泛泛之輩，故意來一個眼神接觸，對方果然上前塞紙仔畀佢。
「好明顯，呢啲街女扮成喺街上閒逛，每逢遇到獵物經過就上前遞紙仔。」之後阿炳迅速記下所遇女郎嘅身材同樣貌，返到酒店第一時間致電畀佢嘅心水佳麗，結果得償所願，搵到索女陪玩。事後，阿炳從該名街女嘅口中得知，呢個傳紙仔嘅拉客方法，命中率雖然不太高，但勝在可以避開有關部門嘅注意。
撰文：娟娟