早前介紹過好多內地模特兒嘅Blog，今日一於另類啲，介紹一個模特兒粉絲嘅Blog畀大家，裏面收藏嘅模特兒照片同資料，可以話十分詳盡，呢個Blog嘅主人叫李野，係咪真名就冇乜人知道，但佢裏面嘅模特兒消息，就十分之多，例如有好多照片，記者都拍唔到嘅，喺裏面就睇得到，好似好多選美會或模特兒大賽嘅後台相，佢都拍到，當中唔少仲係換衫相添，可謂性感養眼，認真難得。
另外，李生佢十分有心思，將佢喺網上搜尋到嘅眾多模特兒相片集合剪輯，然後以專題刊出，例如名模為食相、名模便服圖、私家生活照等，輯輯都充滿趣味性。除咗靚相之外，仲有好多模特兒嘅消息，而且無論新舊佢都會報道，認真係搭通天地線。
真係好Blog：http://user.qzone.q.com/622001664?ptlang=2052
撰文：小德