喺眾多職業當中，相信不少人最羨慕嘅工作，可能係夜場經理，事關佢哋除咗可以搵到錢之外，仲可以近水樓台，接近天下佳麗。但實情係咪咁理想，就同大家探討吓！
撰文：小德
我哋搵嚟夜場金牌揸弗人小林，等佢講講呢行嘅苦與樂。小林話：「男性要做夜場嘅主管，大多數都係由服務員開始做起，起薪一千蚊一個月都唔到，一日要做足十六小時以上，以前啲小伙子都捱得到，但家陣啲九十後，做得幾日就走人。」
如果要升到主管，大約要捱幾耐呢？小林話：「家陣實在太多夜場，管理人員同技師都嚴重缺乏，如果你捱到半年時間左右，大多數都會升級，升唔升到最主要睇佢夠唔夠醒目，做嘢勤唔勤力，同埋講嘢得唔得體，如果各方面都做得到，好多做咗兩三個月就升級。」升做初級管理人員之後，人工大約有幾多呢？小林話：「連埋獎金一個月大約兩千零蚊左右。」
咁要幾耐至升到經理級呢？小林話：「咁就要睇自己嘅本事，其實升到做主管，就會分三大類，一係管囡囡，二係管客人，又或者係管數，呢三方面做得出色嘅話，就可以再升職，如果公司冇位就可以跳槽，特別係管囡囡同管客就會最受歡迎。」
小林補充：「如果口才好，搵到老細，仲可以跳升做老總添。」人工又點呢？小林話：「一般經理都有五六千一個月，視乎生意額再作調整。」咁係咪可以嘗盡天下美女？小林話：「做經理有時要負責過檔囡囡嘅試鐘工作，睇吓佢哋係咪真有經驗，但咪以為好盞，其實我哋有時真係懶得做，有精力都情願留返嚟捱夜搵錢好過。」有得食唔食，真係好嘥喎！