歐美藝人整容真係家常便飯，就算個胸本身再大，但只要唔夠身邊姊妹咁勁，一樣走去僭建。而脫星就更唔使問，入行隆胸係指定動作，一年升幾Cup都冇難度。不過脫星Brea Bennett近日面對整容隆胸傳聞時，就強烈否認，仲話再受無理質問時，隨時劈炮唔撈咁話！
出道一個樣，走紅又一個樣，外界懷疑「重建」都好合情理，阿妹點解咁大反應呢？Brea Bennett接受成人雜誌訪問表示：「我知道同行都妒忌我嘅身材樣貌，因此我嘅作風保持低調，但我認為佢哋愈踩愈過界，每次我出場都中傷我，更利用傳媒炒作新聞，擺明想置我於死地！」嘩！有冇咁誇張呀？以Brea Bennett嘅條件，即使係老細級都未必整得死你，若然公司內部鬥爭，令你覺得唔啱玩，最多咪過檔第二間公司囉，又唔使諗到咁負面嘅！
照Brea Bennett咁講，睇怕四仔界將會有一群脫星明爭暗鬥，影迷坐定定等睇好戲至真！但何解轉個頭阿妹又嗌引退呢？「理由係我覺得自己有條件喺其他領域發展，而毋須做爛自己同人鬥，咁做係好愚蠢，需要同人爭嘅應該係一啲全身都假貨嘅人，為咗上位而不擇手段，我天生咁正，唔使出力都大把人搶住要啦！」Brea Bennett嘅言論不但辣慶仇家，連同行都話佢神憎鬼厭而拒絕同阿妹合作，長此下去，睇怕阿妹想唔被迫引退都難囉！
出生日期：1987年2月7日
三圍：32C、22、32
身高：5呎5吋
撰文：祖