打麻雀可以算係中國人嘅國技，經常有返內地嘅朋友都知道，內地冇乜人唔識打麻雀，特別係夜場嘅囡囡，佢哋只要有麻雀打，可以唔食飯、唔瞓覺、唔返工都得，都咪話唔誇張，而且佢哋打牌都幾大吓，一場麻雀可以一萬幾千蚊上落。
話說前兩日去舊相好嘅屋企玩，見有幾個女人喺度打牌，佢哋就叫我落場打，我都醒目，問佢哋打幾大，佢哋好輕鬆咁話打「一二」。深圳流行嘅麻雀玩法，同香港嘅麻雀好唔同，詳細唔多講，我以為佢哋打「一二十」，於是就坐落去打。
第一鋪就自摸，每人畀兩百蚊我，一共收咗六百，喺呢個時候我至知佢哋係打「一二百」。舊相好話佢最衰一次輸過兩萬幾蚊，我問佢點解唔打細啲，佢話打得細好冇癮。咁我問佢萬一輸咗點算？佢笑笑口話：「咪搵你嚟救濟囉！」
撰文：大軍