內地消閒場所嘅服務多元化，就算講明係正經場，仍有機會發生意想不到嘅事情，尤其去骨場揼骨按摩嗰陣，事關並唔係每位技師都懂得人情世故，男士一時克制不住，不但出洋相，萬一畀身邊嘅女伴睇見，咁就更加有排頭痕嘞！
內地唔少骨場都設有情侶按摩服務，房間內設有兩張按摩床，中間並冇阻隔，方便男女客人一邊享受按摩，一邊互相閒談。早前朋友阿光（化名）同女友一齊北上揼骨，由於兩人都甚少北上，只係憑記憶搵到一間朋友曾提及過嘅骨場。入房冇耐，兩位技師就開始替佢哋按摩，前半段一切正常，並冇發生特別事情，但按到後半段，阿光開始感覺到一隻怪手慢慢游移到褲襠位置。
阿光表示：「當時嗰個技師雙手伸到我嘅大腿內側，初時不以為意，直到佢雙手愈嚟愈放肆，直頭觸及敏感部位，先知道佢係存心出手挑逗，我即時望望女朋友，見佢瞓咗，而且技師又搞到我咁舒服，諗住玩多一陣應該冇問題。而我覺得最刺激係當技師睇見我女友有所動靜，佢就會立刻縮手，搞到我到喉唔到肺，忍唔住想玩得更深入一啲，於是索性拉低條短褲，讓技師自由發揮。」阿光又話，技師愈玩愈入肉，更不時發出微弱嘅呻吟聲。
得到技師嘅手部服務，阿光感到異常興奮，更有隨時爆發嘅感覺，當佢閉上雙眼去享受快感之際，突然聽見女友大喝：「你哋做乜嘢呀！」阿光驚慌將短褲拉起，可惜為時已晚。佢女友當堂激動到即時離場，阿光惟有追出門口，不斷向佢解釋。事後，雖然獲得女友原諒，但代價就係沒收回鄉證，未得批准都唔可以北上。
其實內地大部分骨場都設有另類服務，就算講明係正骨場，但喺裏面工作嘅技師，有時都會私下跟客人作不道德交易，唔想發生不愉快嘅事，跟女友一齊北上揼骨嗰陣，各位老友認真要忍吓喇！
撰文：娟娟