問：小弟最近跟朋友到深圳寶安一帶嘅夜店消遣，發現該處嘅酒吧相當好玩，不但地方夠大，而且消費便宜，更唔會有烏煙瘴氣嘅感覺。不過，玩樂期間卻發現一啲疑似「街女」喺場內搵食，佢哋通常兩個人一齊行動，每當見到獵物就會上前兜搭，我都試過畀佢哋要求陪玩，雖然有啲心郁郁，但最後擔心安全問題而拒絕咗。想請問如再遇上類似情況，究竟玩唔玩得過呀？
答：內地酒吧確實係「街女」搵食嘅熱點之一，佢哋多數三五成群咁出現，之後就假扮客人喺酒吧打躉，其實暗地裏等待獵物出現。據了解，呢班街女多數係髮廊妹，事關通常喺夜晚時候，髮廊生意都會明顯減少，於是佢哋就會去到酒吧，可以飲番杯之餘，又順道搵生意，總好過喺髮廊入面呆坐嘛！
另一方面，曾跟幾個酒吧老闆傾過，部分人話街女嘅存在，對於酒吧嚟講，影響絕對係正面多於負面，因為咁多索女出現，自不然吸引到好多好此道嘅客人，變相增加生意。至於玩唔玩得過，則視乎個人口味及收費嘞！
撰文：娟娟