雲妮今晚要參加一個舊同學嘅聚會，於是請咗半日假，一早就去整理頭髮同做美容，希望以最佳狀態示人，點知當佢去到會場，發現全部女同學都變晒師奶，唔少連妝都冇化，由此令到雲妮成為全場最突出一個。
聚會中大家閒話家常，發覺全部同學都結晒婚，有唔少仲係全職做師奶，可以日日攤喺屋企唔使做，令年過三十嘅雲妮十分羨慕。聚會到咗九點幾就因為啲師奶要返屋企照顧小朋友而匆忙完結，雲妮見時間尚早，於是去咗酒吧飲酒。
雲妮嫁唔出，所以酒入愁腸，醉得胡言亂語，呢個時候有壞人想打雲妮主意，而城中年輕富豪湯遜見狀出手阻止，最後雲尼跌入湯遜嘅懷中，湯遜於是扶佢離開，去咗佢間過億元嘅豪宅。
當湯遜將雲妮放上大床嘅時候，雲妮半醉半醒問佢想做乜嘢？湯遜叫佢好好休息，雲妮突然抱住湯遜大哭，話自己一啲都唔輸蝕，點解會冇人要，湯遜心裏突然對雲妮好感大增，於是兩人熱吻起來，而雲妮久旱逢甘露，就算醉都特別肉緊。
兩人互相愛撫，挑逗對方，之後情到濃時更大戰起嚟，湯遜年輕力壯，而雲妮亦餓咗好耐，於是兩人更力戰到天光，當雲妮清醒過來嘅時候，心裏又慌又亂，反而湯遜主動向雲妮求婚，雲妮嫁得出，當然大喜過望，欣然答應啦！
撰文：小德