照我當晚所見，珠海呢間夜總會生意的確大不如前，明顯熟客都轉移陣地搵食，而駐場嘅女更話：「無計喇，邊有客養到咁多女呀？呢個月先叫啱啱靜落嚟，無人敢賣廣告，大家都怕行先死先，惟有靜雞雞做囉！」
唔只靜，仲要同人分，就好似呢間夜總會為例，駐場囡囡已冇着制服，方便較腳，另外更要同下層間桑拿分女用。「桑拿、夜總會都係同一班股東搞，開源節流嘛，有女咪齊齊用囉，邊度有客，囡囡就去邊度開工，都係咁服侍架啦！」一女兩制咁都得？而我大軍就覺得同節流無關，事實係有客都無女敢開工，睇怕珠海要回復當年勇，冇一兩年都唔使諗！
撰文：大軍