當一個脫星考慮到引退嘅時候，通常都係為咗幾方面，好似結婚生仔、轉行等。至於呢次嘅主角Casey Parker決定退出成人影業嘅原因，原來係為咗自己增值，希望趁年輕讀番個學位，為日後轉型鋪路。
出生於巴拿馬嘅Casey Parker，喺2006年加入美國成人影業，擁有一張標致嘅臉孔，身材夠平均，加上演技有番咁上下，出道冇耐已經被業界注意，更受到萬千影迷嘅寵愛，氣勢一時無兩。此外，Casey更獲獎無數，自2007年起，連續三年都入選AVN Award，並曾奪得最佳年度新人、我最喜愛的女主角、網絡寶貝等獎項，實力可見一斑。
老實講，以Casey嘅實力，確實可以喺業界穩佔一席位，甚至不愁片約，之不過入行近四年嘅佢似乎已經厭倦脫星生活。上年初，呢位索女於某個社交網站透露將會離開所屬嘅成人電影公司。翻查資料先知，原來索女走咗去大型會所做Dancer，但只係做咗幾個月就辭去工作，事關佢已經成功被某所大學取錄。
據了解，Casey一直都希望轉行，搵番一份朝九晚五嘅寫字樓工作，可惜學歷太低冇人請，於是決定放棄現有工作，重返校園修讀經濟。問到Casey會否考慮以兼職形式繼續拍片，佢就斬釘截鐵咁話：「唔會喇！以前每日拍片十個小時，不停跟男優肉搏，雖然收入豐厚，之不過搞到身體愈來愈差，何況女人青春有限，年紀大咗，自然會失去吸引力，觀眾亦會離你而去，既然脫星嘅『壽命』有限，不如早啲退出好過。」
Casey離開脫星界，確實係觀眾嘅損失，之不過睇見索女為自己將來而努力，實在希望佢可以如願以償，當一個平凡嘅OL。
年齡：23歲
身高：5呎4吋
三圍：34、25、35
撰文：娟娟